Ministrja Schlumpf merr në mbrojtje politikanin nën hetime

Ndaj ish deputetit të CVP në Dhomën e Kantoneve, Bruno Frick po zhvillohej një procedurë penale lidhur me kryerjen e papërgjegjshme të punëve në një agjenci

Ministrja e Financave Widmer-Schlumpf  vazhdon ta mbrojë këshilltarin e porsazgjedhur të Finma (autoriteti për mbikëqyrjen e financave), Bruno Frick përkundër faktit se ndaj tij është duke rrjedhur një procedurë penale. “Nga perspektiva e sotme nuk ka ndonjë shkas për gjykimin e tij, çfarë qe bërë para zgjedhjes së Frick-ut në këtë pozitë, ka thënë një zëdhënës i Ministrisë së Financave.

Ai ka thënë se përmes bisedimeve të ndryshme janë sqaruar akuzat  ndaj tij ministrja Widmer-Schlumpf ka komunikuar lidhur me këtë me kryetaren e Këshillit Menaxherial të Finma-s, Anne Heritier-Lachat. Ato të dyja pastaj kanë zhvillua biseda të veçanta me z. Frick. Ky i fundit, ashtu siç ishte planifikuar, më 1 gusht do të nisë punën në Finma, ka theksuar zëdhënësi.

Të dielën që shkoi është bërë e ditur se ndaj ish deputetit të CVP në Dhomën e Kantoneve, Bruno Frick po zhvillohej një procedurë penale lidhur me kryerjen e papërgjegjshme të punëve në një agjenci. Por as Qeveria Federale dhe as vetë Frick nuk kishin pasur njohuri për këtë para se të bëhej zgjedhja në Finma në fund të qershorit.