Shkurt.ch

Zvicra, numër një në botë për inovacione

Zvicra mbetet vendi më inovativ në planet për të tretin vit me radhë, sipas një raporti të publikuar të hënën nga Organizata Botërore e Pronësisë Intelektuale (WIPO)

E mërkurë, 3 Korrik 2013 - 11:39 albinfo.ch
”The Global Innovation Index” për vitin 2013 ka renditur Zvicrën në krye të listës në botë, ndërsa më pas vijnë Suedia, Britania, Holanda dhe Shtetet e Bashkuara të Amerikës.
 
Raporti konkludon se pavarësisht krizës ekonomike, shpenzimet për kërkime e zhvillim e kalojnë nivelin e vitit 2008 në shumicën e vendeve.
 
Indeksi ka hulumtuar 142 vende në gjithë botën, duke përdorur 84 tregues, përfshirë cilësinë e universiteteve, kapitalin mikrofinanciar për të vlerësuar aftësitë e inovacionit dhe rezultatet e arritura.
 
“Performanca  e Zvicrës dhe e Suedisë pasqyron faktin se të dyja vendet janë lidere në të gjitha komponentët”, thuhet në një komunikatë shtypi të  WIPO-s.
 
Sekretari i Përgjithshëm i OKB-së, Ban Ki-moon, ka përshëndetur të hënën raportin në një takim ekonomik dhe social të OKB-së në Gjenevë.

 Të tjera nga Shkurt.ch

Kriza në Lindjen e Mesme ndryshon rrugët e turizmit zviceran

 E-Diaspora

 Jeta në Austri