Sërish bisedime për tatimet Zvicër-Gjermani

Didier Burkhalter: koncepti zviceran me “tatimin paushall” është ende një alternativë e besueshme për shkëmbimin automatik të informacioneve

Ministri zviceran për Punë të Jashtme, Didier Burkhalter ka pritur në një takim pune në Bernë, ministrin e jashtëm gjerman, Guido Westerwelle. Ata ranë dakord për bisedime të reja rreth marrëveshjes tatimore ndërmjet dy vendeve. Burkhalter ka theksuar se për Zvicrën një marrëveshje tatimore me Gjermaninë është shumë e rëndësishme

“Kur Gjermania vjen në Zvicër, ne jemi të hapur për bisedime», tha Burkhalter.

“Diskutimet rreth një traktati tatimor nuk kanë përfunduar, por duhet të vazhdojnë në një “frymë konstruktive “, tha homologu gjerman Westerwelle.

Marrëveshja e parë ka dështuar me kërkesë të opozitës gjermane. SPD kishte kërkuar emrat e atyre klientëve të cilët tërhoqën paratë e tyre në të kaluarën nga bankat zvicerane.

Didier Burkhalter, ndërkohë, theksoi se koncepti zviceran me “tatimin paushall” është ende një alternativë e besueshme për shkëmbimin automatik të informacioneve. Një marrëveshje e tillë është arritur me Austrinë dhe Britaninë e Madhe, tha Didier Burkhalter.