Shëndetësi
Fekondimi i asistuar mund ta rrisë rrezikun për të vuajtur nga shtypja e lartë e gjakut
Një studim nga shkencëtarë zviceranë, nën udhëheqjen e doktorit Dr. Emrush Rexhaj dhe i publikuar në revistën shkencore amerikane me renome ndërkombëtare «Journal of the American College of Cardiology», ka gjetur që fëmijët e lindur me fekondim të asistuar, në adoleshencë, kanë shtypjen e gjakut më të lartë në krahasim me fëmijët e lindur pas fekondimit natyral, shkruan albinfo.ch.
Të praktikuara për herë të parë te njeriu në vitin 1978, teknikat e fekondimit të asistuar ua kanë bërë të mundur mijëra çifteve fertile të kenë fëmijë. Fekondimi i asistuar përfshin një numër metodash, siç janë fekondimi apo fertilizimi in vitro dhe injektimi intracitoplasmik, me të cilat ndihmohet arritja e shtatëzënisë. Por kjo mënyrë e fekondimit, meqenëse nuk është natyrale, mund edhe të ketë pasoja më vonë te fëmijët e lindur përmes këtyre metodave.
Një studim nga shkencëtarë zviceranë, nën udhëheqjen e doktorit Dr. Emrush Rexhaj dhe i publikuar në revistën shkencore amerikane me renome ndërkombëtare «Journal of the American College of Cardiology», ka gjetur që fëmijët e lindur me fekondim të asistuar, në adoleshencë, kanë shtypjen e gjakut më të lartë në krahasim me fëmijët e lindur pas fekondimit natyral, shkruan albinfo.ch. Ajo që është më shqetësuese thotë Dr. Rexhaj «është prevalenca apo përhapja më e lartë e hipertensionit tek adoleshentët e lindur me fekondim të asistuar».
Për këtë studim kanë shkruar e raportuar medie të ndryshme ndërkombëtare, në mesin e të cilave edhe New York Times. Në vendet e zhvilluara, nga fekondimi i asistuar lindin 2 deri 5 % e fëmijëve. Në 2016, 1.9 për qind e rreth katër milionë foshnjave të lindura në SHBA, kanë lindur me fekondim të asistuar, shkruan New York Times.
“Nuk ka nevojë për panik”, thotë autori senior, Dr. Emrush Rexhaj nga Spitali Universitar i Bernit në Zvicër. “Por këta fëmijë kanë nevojë për më shumë kujdes se sa të tjerët – matje të shtypjes së gjakut pas moshës 16-vjeçare si dhe eliminimin e faktorëve të rrezikut, siç janë pirja e duhanit, mbipesha dhe mos aktivizimi fizik. Tek të rinjtë ne mund të tolerojmë një shtypje të gjakut pak më të lartë, por nëse kjo është shumë e lartë, atëherë duhet filluar terapinë.”
Titulli në anglisht i studimit është “Association of Assisted Reproductive Technologies With Arterial Hypertension During Adolescence”.
Autorët: Meister TA, Rimoldi SF, Soria R, von Arx R, Messerli FH, Sartori C, Scherrer U, Rexhaj E.
Publikuar në: J Am Coll Cardiol. 2018 Sep 11;72(11):1267-1274.
Dr. Emrush Rexhaj, Fakultetin e Mjekësisë e ka kryer në Universitetin e Lozanës në vitin 2005. Në Zvicër ka ardhur në moshën 18 vjeçare, menjëherë pas përfundimit të shkollës së mesme te mjekësisë në Prizren. Është nga Komuna e Shtimjes ndërsa në Zvicër ka ardhur për t`iu bashkuar prindërve.
E-Diaspora
-
Komuniteti Musliman Shqiptar në Zvicër uron festën e Kurban-Bajramit Urimi për festën e Kurban-Bajramit 2024...
-
Si e sheh Zvicra Kosovën në 25 vjetorin e çlirimit
-
Vendimi i gjyqit: 17 vjet burgim për bashkëshortin e Shqiponja Isufit
-
Gjenevë: Sot prezantohet filmi shqiptar në Festivalin Fifog
-
Dietikon (ZH): Zamfina Rexhaj prezanton librin e saj mbi luftën në Kosovë
Jeta në Austri
-
Kur mund të kërkoj rimbursim për shpenzimet mjekësore në Austri? Nëse vizitoni një ‘mjek me zgjedhje’ në Austri ose shkoni për disa procedura dhe ekzaminime, mund...
-
Austriakët, të shqetësuar pas rritjes së FPO ekstremiste në zgjedhjet evropiane
-
A ka Austria probleme me drogën?
-
8 gjërat që duhet të dini përpara se të filloni një punë në zyre në Austri
-
Gjithçka që duhet të dini për marrjen me qira të një makine në Vjenë