Oficeri i FSK-së diplomon në SHBA në fushën e Inxhinierisë Ushtarake

Florent Korrani përfundon me sukses trajnimin ushtarak për inxhinieri

Forca e Sigurisë së Kosovës (FSK) ka bërë të ditur se togeri Florent Korrani ka përfunduar me sukses trajnimin bazik për Inxhinieri Ushtarake, të zhvilluar në Fort Leonard Wood, në Shtetet e Bashkuara të Amerikës, përcjell albinfo.ch.

Sipas njoftimit zyrtar të FSK-së, ky trajnim ka për qëllim përgatitjen e liderëve të rinj për planifikimin, udhëheqjen dhe drejtimin e operacioneve të inxhinierisë ushtarake.

“Toger Florent Korrani ka diplomuar në trajnimin bazik për Inxhinieri Ushtarake në Fort Leonard Wood, SHBA. Trajnimi është fokusuar në zhvillimin e aftësive udhëheqëse dhe profesionale për drejtimin e operacioneve të inxhinierisë ushtarake,” thuhet ndër të tjera në njoftimin e FSK-së.

---