COOP kalon “shifrën e ëndrrave”, 20 miliardë franga

Kjo përbën një rritje prej 2 për qind të qarkullimit vjetor krahasuar me një vit më parë

Grupi COOP, që pas MIGROS-it është gjiganti numër 2 i tregtisë në Zvicër, ka kaluar për herë të parë vitin që shkoi, shifrën prej 20 miliardë sa i përket qarkullimit vjetor. Kjo përbën një rritje prej 2 për qind krahasuar me një vit më parë.

Me gjithë faktin se gjatë vitit të kaluar COOP ka zbritur një numër të madh çmimesh, vetëm shitja me pakicë ka gjeneruar të ardhura prej 18 miliardë frangash, njofton drs.ch.

Përveç shtëpive të mallërave, në grupin COOP bëjnë pjesë edhe pompa benzine, barnatore, rrjeti i shitoreve të teknikës së bardhë Fust dhe përpunuesi i mishit, Bell. Duke filluar nga viti që shkoi, në COOP bën pjesë edhe rrjeti i shitoreve të specializuara për mirëmbjatje të trupit, The Body Shop.