CH-Ballkani
Emrat nga Labëria, pasuri kombëtare
Shoqata kulturore atdhetare “Labëria – nderi i kombit”, në kuadër të vitit të Skënderbeut e 140-vjetorit të Lidhjes Shqiptare të Prizrenit dhe të Kuvendit të gjashtë të shoqatës “Labëria” ka ftuar në Prishtinë të gjithë shqiptarët që mbajnë emrin me prejardhje nga krahina shqiptare e Labërisë.
Pjesë e këtij aktiviteti kulturor ishin shumë persona me emra, si: Labërie, Labe, Vlora, Saranda, Vlonjat, Gjirokastrit, Vjosa, Shqiponjë, etj, përcjell albinfo.ch.
Ambasadori i Shqipërisë në Kosovë, Qemal Minxhozi, në një fjalë rasti tha se këta emra janë mesazh i madh që tregojnë se shqiptarët janë një gjak e një komb.
Ai bëri të ditur se mbi 7 mijë vajza mbajnë emrin Vlora dhe kjo, sipas tij, tregon se shqiptarët kurrë nuk kanë qenë te ndarë, por të bashkuar. Ndërsa, Ago Nezha, kryetar i shoqatës “Labëria”, ka falënderuar familjet nga Kosova që u kanë vërë emra fëmijëve të tyre me emra nga Labëria. Këta emra, sipas tij, janë vlerë dhe trashëgimi kulturore atdhetare.
“Jemi sot në një takim unik për të nderuar këta persona që janë në sallë dhe jo vetëm, në Kosovë, Shqipëri. Ju e meritoni t’ju nderojmë dhe t’i falënderojmë prindërit që ju vunë emra patriotikë nga Labëria. Ne si krahinë ndihemi krenarë që qindra familje nga Kosova kanë nderuar me emrat nga Labëria. Kosova ka pasur nostalgji për Shqipërinë, por edhe ajo për të. Patriotizmi ka filluar të bjerë si pasojë e rrymave të globalizmit. Emrat dhe gjuha janë pasuri kombëtare që duhet të ruhen me fanatizëm, por këto të dyja janë cenuar rëndë në Shqipëri, aty gjen emra italianë etj. Emrat tuaj janë traditë e vlerave të popullit tonë si trashëgimi kulturore atdhetare”, tha ai.
E akademik Rexhep Qosja, kryetar nderi i kësaj shoqate, tha se emrat janë pasuri jashtëzakonisht e madhe e një populli. Qosja ka inkurajuar shoqatën “Labëria” që të organizojë një konferencë shkencore në të cilën studiues shqiptarë do të merreshin me rëndësinë e emrave në kombin shqiptar.
Të ngjashme
Të tjera nga CH-Ballkani
E-Diaspora
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada Tenori i njohur nga Kosova, Ramë Lahaj, do të jetë në Toronto në kuadër të aktiviteteve...
-
Regjistrimi i popullsisë: Diaspora mund të regjistrohet online deri më 31 gusht
-
Katër mërgimtarët që udhëtuan nga Zvicra në Strugë me biçikletë
-
Kosovë: Në 11 komuna shtyhet regjistrimi i popullsisë deri më 24 maj, për diasporën deri 31 gusht
-
Rreth 350 biznese nga diaspora dhe Kosova u mblodhen në Prishtinë
Jeta në Austri
-
Rreth 350 biznese nga diaspora dhe Kosova u mblodhen në Prishtinë Në 10 vjetorin e themelimit të Rrjetit Global të Bizneseve Shqiptare, sot në Prishtinë është mbajtur...
-
Si po e ndryshon motin në Austri ngrohja globale?
-
Lajmet më të fundit të së enjtes në Austri
-
Qeveria austriake ndan edhe këtë vit bonus: Nga 145 -290 euro për secilin qytetar të saj
-
Si po e bën Austria më të lehtë imigrimin e punonjësve të huaj shëndetësorë?