“Arena Kombëtare” konkurron për organizimin e Superkupës së Evropës

Organizimi në Tiranë i Superkupës Evropiane merr një rëndësi absolute, jo thjesht nga pikëpamja sportive, por mbi të gjitha, edhe për imazhin e Shqipërisë, dhe sidomos Tiranë

Federata Shqiptare e Futbollit ka dorëzuar zyrtarisht në UEFA aplikimin e saj për organizimin e “UEFA SuperCup 2020” në stadiumin “Arena Kombëtare”, në Tiranë.

Grupi i punës për përfundimin e dosjes së plotë të dokumentacionit për kandidaturën përkatëse ka mbyllur të gjithë praktikën e aplikimit. Zyrtarisht, tashmë “Arena Kombëtare” është një nga stadiumet kandidate për të marrë finalen e Superkupës së Evropës për vitin 2020.

Ideja për organizimin e këtij eventi të rëndësishëm në kalendarin e futbollit Evropian, vjen nga dëshira për promovimin e vlerave të mikpritjes shqiptare, si dhe nga ambicia për zhvillimin e emrit të mirë të kulturës sportive në vend, e nxitur kjo, edhe nga përfundimi i shpejtë i “Arenës Kombëtare”, punimet e të cilit vijojnë me intensitet shumë të lartë.

Organizimi në Tiranë i Superkupës Evropiane merr një rëndësi absolute, jo thjesht nga pikëpamja sportive, por mbi të gjitha, edhe për imazhin e Shqipërisë, dhe sidomos Tiranës.

Shumë shpejt “Arena Kombëtare” do të jetë gati si një vepër e madhe sportive kombëtare, dhe një kandidaturë potenciale për të organizuar një finale të një eventi evropian të futbollit në Shqipëri.