Ligji për qentë përçan parlamentin

Ligji mbi Qentë pritet të bartet në seancën e unifikimit, që do ta mbajnë dy dhomat e parlamentit së bashku

Dy dhomat e Parlamentit Federal përfaqësojnë mendime të ndara sa i përket Ligjit për qentë. Dhoma e kantoneve mban qëndrimin se për mbajtjen e qenve të racave potencialisht të rrezikshme duhet pasur një leje të posaçme dhe rregulla të njëjta që vlejnë në tërë shtetin.

Nga ana tjetër, Dhoma nacionale përfaqëson qëndrimin sipas të cilit kantonet veç e veç mund të përpilojnë kritere më të ashpra lidhur me këtë çështje, njofton drs.ch.

Në këtë situatë Ligji për qentë pritet të bartet në seancën e unifikimit, që do ta mbajnë dy dhomat e parlamentit së bashku. Nëse as atje nuk do të arrijnë t`i unifikojnë qëndrimet, ligji do të dështojë në tërësi.