Gabimet e mjekëve shkaktojnë 1200 vdekje në vit!

Trajtimi i dështuar mjekësor, shkak për vdekjen e aq njerëzve sa numri i përbashkët i të vdekurve në trafik, nga gripi dhe nga AIDS-i

Brenda vitit në Zvicër vdesin rreth 1200 njerëz si pasojë e gabimeve në trajtimin e tyre mjekësor. Diagnozat e gabuara, barërat e përshkruara gabimisht, trajtimi i dështuar sjellin vdekjen e një numri aq të madh të njerëzve sa vdekjet në trafik, ato nga gripi dhe nga AIDS-i të marra së bashku!

Kështu shkruajnë gazetat “Argauer Zeitung” dhe “Blic kam Abend” të dy ditëve të fundit. Ndonëse shifra të sakta nuk ofron asnjë statistikë, numrin e prezantuar nga gazetat në fjalë e kanë pranuar si realist përgjegjës në fushë të mjekësisë dhe ekspertë tjerë të konsultuar nga to.

Ndonëse përgjegjësia kryesore për sigurinë bie mbi personelin mjekësor të spitaleve, edhe pacientët duhet të japin kontributin e tyre në këtë drejtim. Për të mundësuar këtë, një numër spitalesh të qyteteve të ndryshme të Zvicrës kanë publikuar një broshurë përmes të cilës njoftojnë pacientët e spitaleve se si mund të ndihmojnë veten dhe të tjerët për të evituar rreziqet që mund tu kushtojnë me jetë.