Trajneri i Young Boysit e respekton Skënderbeun

“Ne e respektojmë Skënderbeun. Është një skuadër që ka elemente cilësorë. Patjetër që do të kërkojmë fitoren, por të shohim. Kemi disa mungesa për këtë përballje”, ka thënë Adi Hutter

Trajneri i skuadrës zvicerane, Young Boys, Adi Hutter, është shprehur se i pret një ndeshje e vështirë ndaj Skënderbeut në Elbasan, sfidë që do të zhvillohet sonte nga ora 21:05, shkruan albinfo.ch.

“Skënderbeu ka tashmë përvojë në Evropë dhe do të na krijojë probleme, duke qenë se do të ketë edhe mbështetjen e tifozëve të saj. Ne e respektojmë Skënderbeun. Është një skuadër që ka elemente cilësorë. Patjetër që do të kërkojmë fitoren, por të shohim. Kemi disa mungesa për këtë përballje”, ka thënë Hutter në konferencën për media.

Skuadra zvicerane përballet me disa mungesa, megjithatë në Shqipëri ka shkuar për fitore.

Ndërkohë, trajneri i Young Boys ka folur edhe për shqiptarin Taulant Seferi, i cili paraqitet për skuadrën zvicerane, por është i lënduar. “Seferi është një lojtar i rëndësishëm për ne. Ai është një futbollist shumë i talentuar, ka kaluar një periudhë jo të mirë për shkak të disa dëmtimeve të njëpasnjëshme, por kur të kthehet jam i sigurt se do të jetë një ndihmë e madhe për skuadrën. A e kam pyetur Seferin për Skënderbeun? Preferoj më shumë ti ndjek personalisht kundërshtarët nëpërmjet videove të ndryshme sesa tu marr informacione lojtarëve të mi për skuadrat rivale”, theksoi ai.