Dhelpra i mbyt një fermeri 910 pula!

Dhelpra vetë kishte mbytur rreth 50 pula, ndërsa të tjerat janë mbytur në përpjekje për të gjetur shpëtim

Një bujk në kantonin Neuchatel nuk ka mundur tu besonte syve kur, me të hyrë në fermën e tij të të pulave ka parë qindra pula të tij të mbytura, apo të masakruara, siç e përshkruan ai pamjen e rëndë.

910 nga gjithsej 12000 pulat e tij ishin pa frymë, të shtrira nëpër tokë, shkruajnë “le Matin” dhe “Blick”. “Dukej sikur në një stadium ku njerëzit kanë bërë përpjekje të ikin nga paniku”, e përshkruan Claude-Eric Robert, pronari i fermës, pamjen që e kishte tronditur.

Një dhelpër që kishte hyrë “dhelpërisht” në fermë, sipas konstatimit të Robert-it, do të ketë mbytur vetë rreth 50 pula, ndërsa të tjerat kanë ngordhur duke bërë përpjekje për të ikur, të shkelura dhe të shtypura nga masa e pulave të kapluara nga paniku.