Gruaja e 771 telefonave!

Ky numër i ka mjaftuar zviceranes Rita Zimmermann për të zënë vend në librin e rekordeve të Ginisit

Rita Zimmermann, një grua nga Kerzers-i i kantonit Friburg i Zvicrës ka hyrë në librin e rekordeve të Ginisit (Guinness) me pasionin e saj për të koleksionuar aparate telefonike.

Plot 771 telefona të llojeve, madhësive dhe ngjyrave të ndryshme ka strehuar ajo në shtëpinë e saj. Të gjithë këta telefona, Rita i ka mbledhur nga viti 1990 deri më 10 korrik të vitit 2010, shkruan 20 Minuten.ch.

Dhe kjo, si duket, i ka mjaftuar për të zënë vend në librin e famshëm. Sepse Rita Zimmermann, tashmë edhe zyrtarisht ka koleksionin më të madh privat të telefonave në botë.