17 muaj burg për piromanen 61 vjeçare

Andrea Stauffacher qe akuzuar për vënie zjarri dhe shkaktim të shpërthimeve në gjashtë raste të ndryshme, në mes të vitit 2002 dhe 2007

Gjyqi federal penal i Zvicrës në Bellinzona ka dënuar me 17 muaj burg efektiv aktivisten e ekstremit të majtë, Andrea Stauffacher. Ajo qe akuzuar për vënie zjarri dhe shkaktim të shpërthimeve në gjashtë raste të ndryshme, në mes të vitit 2002 dhe 2007. Padia, që përfaqësohej nga Prokuroria Federale, kërkonte 4 vjet e gjysmë heqje lirie për aktivisten.

Pesë shpërthime dhe një zjarrvënie, të bëra në Cyrih dhe në Bernë, kishin shkaktuar dëme materiale por nuk kishte pasur njerëz të lënduar.

jo u kishte futur zjarrin ose materiet shpërthyese disa godinave si asaj të Shërbimit të Sigurimit Sekret të Zvicrës, SECO-s, Konsullatës së Spanjës etj.

Pas shqiptimit të dënimit, Andrea Stauffacher ka deklaruar se me këtë masë dënimi po provohet të frikësohen aktivistët politikë.