Volejbollistja nga Amerika vendos të luajë për Kosovën

Anyla Kryeziu jeton në Shtetet e Bashkuara të Amerikës dhe ka vendosur të luajë për Kosovën në volejboll

Numri i sportistëve nga vendet tjera që vendosin të përfaqësojnë Kosovën po rritet dita-ditës.

Anyla Kryeziu jeton në Shtetet e Bashkuara të Amerikës dhe ka vendosur të luajë për Kosovën në volejboll. Ajo është shumë e lumtur që do të ndihmojë Kosovën dhe nuk e ka harruar vendlindjen e saj, raporton “Tribuna Channel”.

“Jam shumë e lumtur, jam shumë krenare. Jam e emocionuar që jam rikthyer dhe do të luaj për Kosovën”, ka thënë ajo përcjell albinfo.ch.

“Kam stërvitur shumë kohët e fundit dhe besoj se jam përmirësuar edhe më shumë se që kam qenë para pesë vjetësh”, ka thekuar tutje Kryeziu. Ajo studion në Shtetet e Bashkuara të Amerikës.