Jep dorëheqje shefi i UBS-it, Grübel

Këtë e ka bërë për shkak të përgjegjësisë për skandalin e ndodhur në Londër, me ç`rast banka UBS u dëmtua 2.3 miliardë dollarë

Shefi i koncernit bankar UBS Oswald Grubel ka dhënë dorëheqje të menjëhershme nga posti i tij. Këtë e ka bërë për shkak të përgjegjësisë që bart si i pari i bankës më tëmadhe zvicerane për skandalin e ndodhur në Londër, me ç`rast banka UBS u “lehtësua” për 2.3 miliardë dollarë.

Funksionin e shefit të përkohshëm UBS e merr Sergio P. Ermotti, ka bërë të ditur banka UBS.

Ermotti, që vjen nga kantoni i Tiçinos, punon në UBS vetëm nga muaji prill i këtij viti. Ai është përgjegjës për bizneset bankare në Evropë, në Lindjen e Mesme dhe në Afrikë. Para kësaj ai ka puinuar për “UniCredit” dhe “Merrill Lynch”.

Kryetari i Këshillit Administrativ të koncernit UBS, Kaspar Villiger ka shprehur keqardhje për dorëheqjen e Grubelit. Sipas tij “Oswald Gr¨bel e ka ndjerë si detyrim të tij që të marrë përgjegjësinë mbi vete për rastin e ndodhur me tregti të paautorizuar në Londër. Dhe, kjo është shprehje e qëndrimit të tij konsekuent dhe integritetit të tij”.