146 abuzime seksuale në kishat katolike

85% të këtyre akteve janë kryer para vitit 1990, ndërsa denoncimi i tyre është bërë në vitin 2010

Gjatë vitit 2010 në kishat katolike të Zvicrës janë paraqitur 146 raste të abuzimit seksual, të kryera në kohë të ndryshme.

85 për qind të këtyre akteve janë kryer para vitit 1990. Kështu është bërë e ditur dje në një konferencë për medie të organizuar në Bernë nga Konferenca Ipeshkvnore e Kishës Katolike të Zvicrës. Në këtë konferencë është prezantuar raporti “Sulmet seksuale në jetën pastorale”.

Më tepër se gjysma  e viktimave të abuzimit, në kohën e sulmit kanë qenë nën moshën 16 vjeçare, ndërsa çdo e pesta viktimë ka qenë nën moshën 12 vjeçare. Në të shumtën e rasteve, abuzues kanë qenë priftërinjtë ose njerëz tjerë të kishës. Në katër raste, abuzimet seksuale i kanë bërë femrat nga personeli i kishës.