Gjenevë: Sulmohet me armë banka UBS

Të hënën në mëngjes një person i armatosur ka hyrë në bankën UBS të Gjenevës.

Banditi më pas u përpoq të ikë më paratë, duke iu drejtuar një rrugice, ku ishte një motor me ngjyrë gri, me regjistrim të Gjenevës.  Mirëpo policia arriti ta ndalojë dhe të rigjejë paratë e vjedhura. Sipas disa vëzhguesve, arrestimi është kryer pas disa përleshjeve dhe gjaku në trotuar dëshmon më së miri për këtë.

Një çantë e rëndë e zezë që përmbante doreza të zeza dhe, sipas të gjitha gjasave, paratë e grabitura, janë gjetur aty ku ndodhi ngjarja. Po në të njëjtin vend policia ka gjetur edhe një revolver.

Individi i arrestuar është dërguar në lokalet e policisë gjyqësore për kundërvajtje. Sipas dëshmitarëve të ndryshëm, banditi në fjalë kishte një pamje  të “tipit evropian”. Ai dukej të ishte një biznesmen.