Ngërçi politik dëmton turizmin në Maqedoni

Pasojat e krizës politike në Maqedoni kanë dëmtuar turizmin. Operatorët turistikë dhe hoteleritë e atjeshme ankohen se bizneset e tyre janë duke dalë me humbje, si rezultat i paqartësive të situatës politike.

Siç raportojnë mediat nga Shkupi, kriza politike po reflektohet në të gjitha degët e biznesit.
Turizmi në Maqedoni shënoi 5% rritje më 2016-ën, por pavarësisht këtij progresi, potencialet turistike të vendit nuk janë shfrytëzuar të gjitha.

Shoqata e turizmit në Maqedoni thotë se 77% e shtretërve vitin e kaluar kanë mbetur të zbrazëta. Të pashfrytëzuara kanë mbetur po ashtu edhe mundësitë e mëdha për turizëm dimëror, ndërsa komplekset malore janë harruar tërësisht.