SHBA ndihmon sundimin e ligjit në Kosovë

Kosova do të ndihmohet me një donacion prej 7 milionë dollarë, e që do të ketë si destinim forcimin e rendit dhe ligjit

Për këtë u nënshkruar një marrëveshje në mes të Ministrisë se Drejtësisë dhe Ambasadës Amerikane. 

Zëvendëskryeministri, njëherësh ministër i Drejtësisë, Hajredin Kuqi ka deklaruar se sundimi i ligjit në tërë territorin e Kosovës është kusht thelbësor për funksionimin e shtetit. 

Ai ka thënë se këto para do të përdorën në mënyrën më të mirë të mundshme, me transparencë të plotë dhe do të ketë llogaridhënie.

Ndërsa, zëvendës ambasadori amerikan në Kosovë Michael Murphy, ka theksuar se shteti amerikan është i përkushtuar për të vazhduar partneritetin dhe ta ndihmojmë Kosovën në ndërtimin e sundimit të ligjit dhe institucioneve për sundimin e ligjit.