Pranohet ankesa e LSDM-së: Rivotohet në Tearcë

Nga Këshilli i përbërë prej 5 gjykatësve, ankesën e LSDM-së e kanë cilësuar si themelore dhe kanë vendosur që votimi i 11 dhjetorit në Tearcë të anulohet dhe të përsëritet.

Gjykata Administrative ka sjellë vendim për ankesën e LSDM-së, ndaj vendimit të KSHZ-së, sa i përket anulimit të votimit në një vendvotim në Komunën e Tearcës, shkruan portali Telegrafi, Maqedoni.

Nga Këshilli i përbërë prej 5 gjykatësve, ankesën e LSDM-së e kanë cilësuar si themelore dhe kanë vendosur që votimi i 11 dhjetorit në Tearcë të anulohet dhe të përsëritet.

Në njoftimin që publikoi sonte Gjykata në ueb faqen e vet, thuhet se vendimin e ka marrë këshilli i përbërë nga gjykatësit: Lulzim Saliu – kryetar i këshillit, Nada Ivanova, Edita Naskovska, Snezhana Trpovska dhe Ismeta Amet – anëtarë të këshillit, me mbajtësen e procesverbalit Ana Gjorgjievski – këshilltare e lartë gjyqësore.

“Padia e përfaqësuesit të autorizuar të listës së kandidatëve për zgjedhje të deputetëve në Kuvendin e Republikës së Maqedonisë Koalicioni i kryesuar nga Lidhja Socialdemokrate e Maqedonisë-LSDM, – Stevica Josifovski, fuqizohet. Vendimi i Komisionit shtetëror zgjedhor UP1nr.10-488 i datës 18:12.2016, përfaqësuesit të autorizuar të listës së kandidatëve për zgjedhje të deputteëve në kuvendin e RM-së të Koalicionit të kryesuar nga LSDM, fuqizohet. Votimi në vendvotimin 2011 në Komunën Tearcë për Njësinë zgjedhore numër 6, shfuqizohet”, qëndron në aktvendim, pëercjellin mediat e Shkupit.