Shërbime të regjistrimit civil edhe në komunat veriore

Të gjithë qytetarët e këtyre komunave kanë mundësi që të pajisen me dokumente të Republikës së Kosovës: Pasaportë, Letërnjoftim, Patentë-shoferë etj.

Agjencia e Regjistrimit Civil ka filluar ofrimin e shërbimeve për qytetarët e komunave: Zubin Potok, Leposaviç, Zveçan dhe Mitrovicën Veriore
Agjencia e Regjistrimit Civil e Ministrisë së Punëve të Brendshme, njofton se bazuar në Marrëveshjen e Brukselit, pas përfundimit të gjitha përgatitjeve nga sot më datë 20.12.2016, ka filluar ofrimin e shërbimeve për qytetarët e komunave: Zubin Potok, Leposaviç, Zveçan dhe Mitrovicën Veriore, thuhet në një komunikatë të Ministrisë së Punëve të Brendshme, të Kosovës.
Të gjithë qytetarët e këtyre komunave kanë mundësi që të pajisen me dokumente të Republikës së Kosovës: Pasaportë, Letërnjoftim, Patentë-shoferë, si dhe të bëjnë Regjistrimin e Automjeteve të tyre me targa, bazuar në legjislacionin në fuqi të Republikës së Kosovës për pajisje me dokumente dhe regjistrim të automjeteve.
Agjencia e Regjistrimit Civil, mirëpret të gjithë qytetarët që të shfrytëzojnë të drejtën e tyre për pajisje me dokumente dhe regjistrim të automjeteve