Austriakët ndajnë gëzimin e Krishtlindjes me fëmijët shqiptarë

Po ashtu ata kanë dërguar edhe kartolina me shkrim me dëshirat më të mira të Krishtlindjes për fëmijët dhe familjet shqiptare. Pra në përgjithësi janë transferuar mbi 51 kuti dhuratash për në Shqipëri

Nxënësit e shkollë profesionale e Andorf-it të Austrisë do të ndajnë një pjesë të gëzimit të tyre të Krishtlindjes me shqiptarët. Në bashkëpunim me organizatën “Ora”, nxënësit e kësaj shkolle do të dërgojnë një kamion më paketa të Krishtlindjes për fëmijët dhe familjet në nevojë në Shqipëri, shkruan meinbezirk.at, përcjell “albinfo.ch”.

Kamioni do të mbushet më mjete shkollore, kozmetikë, lodra, veshje të nxehta, ushqim dhe natyrisht, me ëmbëlsira. Nxënësit ishin shumë të lumtur teksa paketonin kutitë dhe i zbukuronin ato.

Po ashtu ata kanë dërguar edhe kartolina me shkrim me dëshirat më të mira të Krishtlindjes për fëmijët dhe familjet shqiptare. Pra në përgjithësi janë transferuar mbi 51 kuti dhuratash për në Shqipëri.

Në ditët e ardhshme do të niset një kamion i madh për në Shqipëri.  Paketat do t`i dërgohen personit përgjegjës i cili e di më se miri se cilat familja kanë nevojë më së shumti, njofton “albinfo.ch”.

Deri në festën e Krishtlindjes, dhuratat të gjitha dhuratat do t`u shpërndahen fëmijëve.

Për nxënësit kjo është një ndjenjë shumë e mirë. Nganjëherë është më mirë të dhurosh se sa të dhurojnë!