Anulohet seanca kundër Zaevit

Procesi gjyqësor ndaj Zoran Zaev duhej të vazhdonte në procesin e quajtur “Ryshfeti” ku ai akuzohet për yshfet

Gjykata Penale në Shkup ka anuluar sot vazhdimin e gjykimit ndaj kryetarit të Lidhjes Social Demokratike të Maqedonisë (LSDM), Zoran Zaev për marrje të ryshfetit, pasi në gjykatë nuk u paraqiten dy avokatët e liderit opozitar. Edhe pse vet Zaev ishte në Gjykate, seanca u anulua.

Procesi ndaj Zaev duhej të vazhdonte në procesin e quajtur “Ryshfeti” në të cilin është i akuzuar lideri i LSDM-së dhe kryetari i Komunës së Strumicës, Zoran Zaev.

Avokatët, Filip Medarski dhe Jakim Naumov kanë njoftuar paraprakisht gjykatën se për shkak gjendjes jo të mirë shëndetësor nuk do të jenë të gatshëm të paraqiten në seancë, njofton portalb, transmeton “Blic”.

Dy anulimet paraprake ishin për shkak të udhëtimeve zyrtare të Zaevit dhe njëherë për shkak të mungesës së avokatëve të tij.

Sipas Prokurorisë, Zaev ngarkohet se si kryetar i Komunës së Strumicës, nga biznesmeni i Strumicës, Ivan Nikollov-Saçevliev ka kërkuar ryshfet prej 163 mijë euro, gjegjësisht për dy euro për 1 metër katror për një vend ndërtimor në Strumicë, për të cilin biznesmeni ka qenë i interesuar ta privatizojë.