Ndjenja e izolimit shtyn të rinjtë të largohen nga Kosova

Mosnjohja nga disa vende të BE-së dhe organizata ndërkombëtare dënon të rinjtë në vendin ku 70 % e popullsisë janë nën moshën 35-vjeçare, që të jenë të izoluar dhe të mos kenë perspektivë ekonomike

Pa lirinë e lëvizjes dhe me një papunësi prej 60 %, perspektiva ekomomike për të rinjtë nën moshën 35-vjeçare është shumë e vështirë, shkruan ‘internacional.elpais.com’.

 

Mosnjohja e disa vendeve të BE-së dhe organizatave ndërkombëtare dënon të rinjtë, ku 70 % e popullsisë janë nën moshën 35-vjeçare, që të jenë të izoluar dhe të mos kenë perspektivë ekonomike, përcjell albinfo.ch.

 

Shkalla e papunësisë kalon 60 % në mesin e të rinjve, sipas statistikave zyrtare. Spanja është njëra nga pesë anëtarët e BE-së, që nuk e njeh Pavarësinë e Kosovës, dhe kjo bën që vendi të ketë vështirësi për të marrë vizat.

 

Nita Deda, drejtoreshë i Dokufest, një festival ndërkombëtar i filmave të shkurtër dhe dokumentar që e ka vendosur kulturën e Kosovës në hartë, nuk ishte në gjendje të marrë pjesë në festivalin e San Sebastian, edhe pse ishte ftuar, duke iu mohuar një vizë për të udhëtuar në Spanjë.

 

Xhudistja Majlinda Kelmendi e cila fitoi medaljen e artë në Rio, në pjesëmarrjen e parë të Kosovës në Lojërat Olimpike, kishte përdorur pasaportë shqiptarë për të marrë pjesë në një takim në Barcelonë pak para Olimpiadës.

 

Nga Bashkimi Evropian, Spanja është në krye të refuzimit së bashku me Greqinë, Qipron, Rumaninë dhe Sllovakinë.

 

Nga frika se njohja e Kosovës, e cila shpalli Pavarësinë nga Serbia në shkurt të vitit 2008, mund të vendoset një precedent për Kataluninë, edhe pse kontekstet janë shumë të ndryshme, Madridi insiston në refuzimin e saj.

 

Kosova është e pranuar në UEFA e FIFA, por edhe në Komitetin Olimpik Ndërkombëtar, por jo në UNESCO. Vendi përballet me krizë ekonomike, derisa të rinjtë largohen nga vendi.

---