Maqedoni, brenda një viti u shuan 5 mijë biznese

Rreth 5 mijë kompani të vogla dhe të mesme mbyllen në Maqedoni si pasojë e mos mbështetjes nga shteti

Për mungesë të mbështetjes institucionale, më shumë se 5 mijë ndërmarrje të vogla dhe të mesme të sapokrijuara janë shuar në Republikën e Maqedonisë. Këto shifra konsiderohen shqetësuese për ekspertët e ekonomisë, të cilët kërkojnë që shteti t’i subvencionojë këtë biznese për të vazhduar veprimtarinë.

Veland Ramadani është doktor i shkencave ekonomike. Ai propozon zgjidhje konkrete dhe masa sistemore për mbështetjen e bizneseve të vogla dhe të mesme.

Edhe Vanço Uzunov, ekonomist dhe hulumtues i politikave industriale thotë se Maqedonia shënon rënie të produktivitetit të punës.

Krahas shkaqeve tjera, kjo ndodh edhe për shkak të subvencionimit të vendeve të punës, gjë që sipas tij, i bën njerëzit pasivë dhe pa ambicie për të pasur kualifikime më të mira, njofton Tv 21.

“Thelbi i përmirësimit të konkurrencës dhe produktivitetit ekonomik nënkupton kualifikime më të mira, siç i kërkon tregu. Kjo nënkupton edhe angazhim në shërbimet prodhuese që do të kishin komponentë më të madhe të vlerës së shtuar, me çka do të kishim edhe prodhime eksportuese të Maqedonisë. Kjo është strategjia dalëse e Maqedonisë, që nuk u efektuua në dekadën e fundit”, u shpreh Uzunov.

Sipas këtij të fundit, në Maqedoni nevojiten ndryshime rrënjësore të master-planit sipas të cilit udhëhiqet politika industriale dhe ekonomike e jo siç tha intervenime kozmetike dhe huamarrje e vazhdueshme.

Maqedonia në vitet fundit ka bërë një ngritje mjaft impresive në listat botërore sa i përket krijimit të lehtësirave në ngritjn e bizneseve, gjegjësisht investimeve nga jashtë. Derisa investitorët e huaj kryesor në këtë shtet janë nga Greqia, Turqia, Serbia e Shqipëria, ndërsa numri më i vogël i investitorëve, mbetën ata nga Kosova