Boksieri shqiptar i Zvicrës synon titullin e kampionit botëror

Ministri i Diasporës, Valon Murati e përgëzoi kampionin e ri ndërkombëtar të boksit për Euro-Azi në WBF, Tefik Bajrampër titullin e fituar. Ai tha se ky sukses është një dëshmi se shqiptarët janë të suksesshëm edhe në fushën e sportit

Boksieri shqiptar nga Zvicra, kampioni i ri ndërkombëtar për Euro-Azi në WBF,  Tefik Bajrami i premtoi ministrit të Ministri i Diasporës, Valon Murati se synimet e tij janë që të bëhet kampionë botëror në boks. Bajrami u prit sot në një takim nga ministri kosovar i Diasporës, Murati, i cili e përgëzoi për titullin e fituar.

Ministri kosovar tha se ky sukses është një dëshmi se shqiptarët janë të suksesshëm edhe  në fushën e sportit.

Kampioni shqiptar në WBF, Bajrami e falënderoi ministrin Murati, përkatësisht ministrinë e Diasporës për mbështetjen institucionale që i ka dhënë. Ai e njoftoi ministrin Murati për planet në boksin profesionist, duke theksuar se synon ta arrijë titullin e kampionit botëror.