SHBA, piloti shqiptar ndal kamikazin jordanez

Nga rrëzimi, studenti i fluturimit Feras Freitekh mbeti i vrarë në vend, ndërsa instruktori i tij shqiptaro-amerikan fatmirësisht shpëtoi gjallë, por ka marrë djegie të mëdha në pjesë të ndryshme të trupit

Rrëzimi i avionit të vogël, në East Hartford të Connecticut-it, në cilin gjendej edhe një pilot shqiptarë, nuk ka qenë aksidental, por i qëllimshëm. Kështu beson Bordi Kombëtar i Sigurisë së Transportit në Shtetet e Bashkuara të Amerikës. Avioni me dy motor u përplas me një shtyllë të tensionit të lartë e u përfshi nga flakët.

Nga rrëzimi, studenti i fluturimit Feras Freitekh mbeti i vrarë në vend, ndërsa instruktori i tij shqiptaro-amerikan A. Prevalla fatmirësisht shpëtoi gjallë, por ka marrë djegie të mëdha në pjesë të ndryshme të trupit, citon TCH, transmeton Albinfo.Ch.

“Hetimet fillestare tregojnë se bëhet fjalë për një akt të qëllimshëm”, thuhet në deklaratën e autoriteteve.

Raportet në medet vendase lënë të kuptohet se instruktori është përpjekur ta ndalojë veprimin ekstrem të të riut me origjinë jordaneze. Duke cituar një zyrtar të lartë të zbatimit të ligjit, “New York Times” thotë se dy burrat janë zënë me njëri-tjetrin përpara përplasjes. Kjo nënkupton se shqiptaro-amerikani është përleshur me jordanezin për të evituar aktin terrorist.