Ashpërsimi i ligjit mbi trafikun po jep efekte: Ulet numri i aksidenteve!

Në polici bëjnë të ditur se numri i aksidenteve në trafik ka rënë në 60%, krahasuar me periudhën e njëjtë të vitit të kaluar, ndërkaq që është ulur edhe numri i shqiptimit të gjobave

Rritja e gjobave që është vendosur së fundi me ligjin e ri për shkeljet në trafikun rrugor duket se po i jep rezultatet e saj. Javët e para të zbatimit të ligjit, kanë rezultuar pozitivisht.

Në polici bëjnë të ditur se numri i aksidenteve në trafik ka rënë në 60%, krahasuar me periudhën e njëjtë të vitit të kaluar, ndërkaq që është ulur edhe numri i shqiptimit të gjobave, raporton KTV.

Në Klinikën emergjente kanë bërë të ditur se ka rënë fluksi i pacientëve që kërkojnë ndihmë, pas aksidenteve.

Gjobat më të larta ishin paraparë për shoferët që tejkalojnë shpejtësinë në zonat urbane dhe jashtë tyre, duke shkuar deri në 900 euro vlera e dënimit, derisa për shkelësit e këtij ligji, parashihen edhe pikët negative të cilat mund të rrezikojnë pezullimin apo edhe anulimin e lejes së vozitjes.