FC Kosova në një ndeshje me raste të dështuara

Në ndeshjen si mysafir në Dulliken, Kosova edhe pse e dominoi ndeshjen, nuk ia arriti që këtë dominim ta shndërroj në gola

FC Kosova kthehet me vetëm një pikë në Zürich. Gjatë  ndeshjes u krijuan raste shumë të mira shënimi, por që të gjitha nuk u realizuan. Rezultati përfundimtar mbeti 0:0.

Kosova sikur edhe javën e kaluar filloi ndeshjen furishëm. Qysh në minutën e 5-të Gjergji pati një rast të pastër, mirëpo gjuajtja e tij përfundoi pran shtyllës së majtë. Pak më vonë, në minutën e 10-të Gjergji e gjeti Maliqin në shtyllën e dytë.

Maliqi gjuajti vole dhe dështoi të shënonte për mysafirët. Kështu vazhduan tutje, rast pas rasti, por që të gjitha nuk u shfrytëzuan. Edhe për ekipin nuk ishte edhe lehtë të luhej. Fusha nga larg dukej e mirë, por ishte jo e rrafshët, kështu që nuk mund të luhej me pasime të shkurtra.

Edhe topi i lojës ishte i jashtëzakonshëm, ishte shumë i keq dhe drejtimi i fluturimit nuk mundë të vlerësohej fare. Kështu që të gjitha përpjekjet që të shënohej nga distanca, po ashtu dështuan.

Alban Hotnjani në minutën e 22-të dhe Sokol Maliqi në minutën e 31-të tentuan në këtë mënyrë, por pa sukses. Në minutat 39 dhe 44 edhe Gojart Gjergji dështoi dy herë. Alban Hotnjani e shërbeu dy herë.

Edhe pjesa e dytë ishte tregim i shkurtër. Një dallim kishte megjithatë. Pas 10 minutash fazë orientimi, Kosova e shtoi presionin dhe krijonte rastet nga minutat në minutë.

Sulmuesit e Kosovës Sokol Maliqi, Gojart Gjergji, Alban Hotnjani, por edhe të tjerët hynin vazhdimisht në 16-shin e kundërshtarit. Por topi sot nuk deshi të gjej rrugën në rrjetë. Pjesërisht për shkak të ngathtësisë dhe pjesërisht për shkak të fatit, rezultati mbeti 0:0.

Pas barazimit shtrohet pyetja, një pikë e fituar apo dy të humbura. Kësaj radhe, janë dy pikë të humbura. Kosova duhet të gjej fajin te vetvetja, rastet e parealizuara dhe loja jo e fituar.

  

Në fund të kësaj jave zhvillohet derbi i radhës. Kosova është mysafir në Allmend Brunau dhe takohet me ekipin e re të Red Start. Me siguri se do të zhvillohet një ndeshje e mirë dhe emocionale. Ndeshja zhvillohet të shtunën me 21 maj 2011 dhe fillon në ora 16.00. 

Raporti i ndeshjes : FC Dulliken – FC Kosova 0:0

Shikues: 350

Formacioni: Kosova: Besnik Zukaj, Edmond Kabashi, Jeton Jakupi, Fidan Bajrami, Shpend Latifi, Ardian Laski (80. Flamur Kallaba), Mikel Lazri, Meriton Kelmendi, Gojart Gjergji, Alban Hotnjani dhe Sokol Maliqi.

Në bankën rezervë: Arsim Bunjaku, Mehmet Hasani dhe Kastriot Haliti. 

---