Kurti paralajmëron: Lufta mund të nisë!

“Unë mendoj që demarkacioni i Murat Mehës bën konfliktin, luftën dhe gjakderdhjet e reja me Malin e Zi”, konsideron deputeti i Vetëvendosjes, Albin Kurti

Ish-kryetari i Lëvizjes Vetëvendosje dhe njëherësh deputeti i Kuvendit të Kosovës, Albin Kurti paralajmëron një luftë të mundshme nëse konkretizohet marrëveshja për demarkacion me Malin e Zi, sipas vlerësimi të Murat Muehës, kryetarit të Komisionit qeveritar për demarkacion.

Deputeti Kurti është i bindur se demarkacioni, sipas pleqnisë që ka ndarë Meha, është formulë e luftës. Ai thotë se personalisht është kundër luftës me Malin e Zi, por, sipas tij, lufta nuk vjen në Prishtinë, por ndodh atje ku është kontesti kufitar e territorial

Kurti, insiston se demarkacioni i kufirit me Malin e Zi, sipas Murat Mehës, është formulë e luftës.

“Unë mendoj që demarkacioni i Murat Mehës bën konfliktin, luftën dhe gjakderdhjet e reja me Malin e Zi”. Këto komente Kurti i ka bërë gjatë një interviste për gazetën “Zëri”, duke shtuar se personalisht është kundër luftës me Malin e Zi, por, siç thotë ai, lufta ndodh ku është kontesti kufitar e territorial, raporton Albinfo.Ch.

“Mos harroni se në vitin 1998 në Kosovë ka pasur luftë, por në Prishtinë ka mundur të mos ketë. E mbaj mend shumë mirë se në Prishtinë ka pasur paqe, por në Drenicë, Dukagjin e Llap ka pasur luftë. Kur po them luftë, nuk po them se lufta vjen në Prishtinë, por ajo ndodh atje ku është kontesti kufitar e territorial”, ka theksuar Kurti.

Kurti që i përket partisë më të fuqishme opozitare, ka folur se a kanë qëndrim të prerë kundër islamit radikal, a po bëjnë kalkulime për vota, se pse shkuarja e 300 kosovarëve në ISIS, sipas tij, është problemi i tretë, e jo i pari për Kosovën.