Nëna e të vrarit: nëse vrasësi s’dënohet do vras unë

Në një status në faqen e saj në “Facebook”, nëna  djaloshit 18 vjeç që u vra në Pogradec, nuk përjashton mundësinë e vetëgjyqësisë, në rast se vrasësi nuk merr dënimin e merituar

Nëna e Fabio Hilës, 18­vjeçarit i cili u vra dy ditë më parë në Pogradec, ka deklaruar publikisht se nëse vrasësi i birit të saj nuk dënohet nga gjykata, ajo vet do ta vras. Në një status në faqen e saj në “Facebook”, ajo nuk përjashton mundësinë e vetëgjyqësisë, në rast se vrasësi nuk merr dënimin që meriton.

18­vjeçari Fabio Hila u ekzekutua me automatik dy ditë më parë, në një lokal bastesh, pas sherrit për një vajzë me bashkëmoshatarin e tij Fabio Mucollari.

“Unë jam një nenë si nenat tuaja.. që mu fik drita e syve të vetmin djalë që kisha në moshën kur ëndrrat zënë pjesën më të madhe në jetën e një fëmije të një adoleshenti. Por dora mizore e kriminelit ja mori shpirtin engjëllit tim e vrau mizorisht me plumb në zemër dhe për çfarë. Për një fjalë goje mua mu shua jeta e engjëllit tim. Nëse ju si shtet si polici si qeveri nuk i jepni dënimin që meriton këtij barbari kanibali çnjerëzori dhe që kam besim që do ta bëni, unë nena e tij i premtova para arkivolit që do t’ia marr shpirtin ashtu si ai bëri me fëmijën dhe engjëllin tim të vetëm”, thotë nëna e Fabios .

“Jeni baballarë keni fëmije jeni nëna e dini shumë mirë çdo të thotë fëmijë dhe duhet të marrë fund nxjerrja e vrasësve me një raport si i paaftë mendor o me një gjykim si minoren…vrasësi është dhe mbetet i tillë”, thotë ajo, transmeton albeu.

Prandaj kjo nënë edhe një herë thërret gjyqësinë që ta vendosë në vend, drejtësinë ndryshe, do ta merr në dorë vetë ajo atë.

Ndryshe, Gjykata e Korçës ka arrestuar tashmë 17-vjeçarin Fabjan Muçllari i cili akuzohet për vrasjen e 18-vjeçarit Fabio Hila. Gjykata në seancën që mbajti sot vendosi që vrasësi të mbetej në paraburgim.

Muçllari  e ka pranuar krimin e rëndë, ndërkaq është shfaqur mjaft gjakftohtë para trupës gjyqësore dhe nuk ka shfaqur pendesë. Babai i 18-vjeçarit ka qëndruar gjatë gjithë kohës kokulur dhe pa folur.

Ngjarja tragjike ndodhi pasditen e së martës në një lokal në Pogradec. Aty Fabiani qëlloi për vdekje me kallashnikov 18-vjeçarin. Sherri mes tyre kishte lindur në Facebook, ku kishin shkruar mesazhe fyese e kërcënuese me njëri tjetrin për një vajzë.

Sipas 17-vjecarit, që kreu vrasjen, ka qenë vetë viktima Hila që i ka kërkuar të takoheshin, i ka treguar vendndodhjen dhe i ka dhënë edhe numrin e celularit. Pas këtij momenti, 17 vjeçari ka shkuar në lokal, ka qëlluar fillimisht në ajër me armë zjarri ndërsa bashkëmoshatari u fsheh poshtë banakut për të shpëtuar, por Muçollari e ka qëlluar me plumb në zemër.