Rënie e vogël e papunësisë gjatë shkurtit

Gjatë muajit shkurt numri i të papunëve ka shënuar një rënie të vogël, krahasuar me muajin janar. Kështu, nëse në fund të janarit shkalla e papunësisë ishte 3.8 për qind, në fund të shkurtit ajo ka rënë në 3.6 %.

Shikuar nga shifrat absolute, sipas asaj që njofton SECO në fund të shkurtit në Zvicër, në entet e punësimit kanë qenë të regjistruar 143`325 persona.

Kjo shifër është për 30`000 persona ose për 17.2 më e vogël se në shkurtin e vitit 2010, kur përqindja e të papunëve ishte 4.4%.

Në të njëjtën kohë, edhe papunësia në mesin e të rinjve ka shënuar një rënie. Në shkurt të këtij viti ajo ka qenë 3.8 % ndërsa një muaj më parë 4.1%.