Zvicra forcon luftën kundër ekstremizmit

Ajo synon të ofrojë udhëzime praktike për individët dhe institucionet që punojnë me të prekurit, siç janë të rinjtë e radikalizuar

Autoritetet zvicerane synojnë të bashkëpunojnë më ngushtë në luftën kundër radikalizimit dhe ekstremizmit. Për këtë qëllim, ato kanë paraqitur një kartë të përbashkët, transmeton albinfo.ch. Kjo kartë përfaqëson një angazhim politik për të luftuar të gjitha format e radikalizimit dhe ekstremizmit.

Në të njëjtën kohë, synon të ofrojë udhëzime praktike për individët dhe institucionet që punojnë me të prekurit, siç janë të rinjtë e radikalizuar.

Sipas autoriteteve, kjo iniciativë buron nga shqetësimi në rritje për radikalizimin dhe ekstremizmin në Zvicër.

Karta synon të forcojë bashkëpunimin midis qeverisë federale, kantoneve dhe palëve të tjera të interesuara.

---