Fillon nënshkrimi i iniciativës për pagat minimale

Sipas kërkesës së iniciatorëve, paga minimale do të ishte 3800 franga në muaj ose 22 franga për një orë pune

Sot ka filluar në Zvicër grumbullimi i nënshkrimeve për iniciativën mbi pagat minimale. Në krye të iniciativës janë sindikatat, Partia Socialdemokrate dhe të Gjelbrit. Sipas iniciativës, e cila, pasi të arrijë numrin e duhur të nënshkrimeve  pritet të hidhet në votim, qeveria e Zvicrës  duhet të përcaktojë me ligj një pagë minimale që nuk mund të shkelet.

Me aksionin e tyre të emërtuar “Për mbrojtjen e pagave korrekte” iniciatorët kërkojnë që secili njeri që punon me orar të plotë duhet të ketë mundësi të jetojë nga paga e tij. Dhe, kjo pagë minimale do të ishte 3800 franga në muaj ose 22 franga për një orë pune, shkruan nzz.ch

Ata po ashtu kërkojnë që pagat të përcjellin me rritjen e tyre rritjen e çmimeve dhe të shpenzimeve tjera të jetës.

Lexoni po ashtu shkrimin e Osman Osmanit, sekretar për migracion : “Inciativa për pagën minimale”