De Biasi: Mustafi nuk deshi të luajë për Shqipërinë

E përditshmja gjermane, “express.de”, ka zhvilluar një intervistë me përzgjedhësin e Shqipërisë, Gianni De Biasi, ku flet për shumëçka.

Italiani rrëfehet sesi realizoi ëndrrën e shqiptarëve për t’u kualifikuar në “Euro 2016”.

“Ne kishim një grup shumë të vështirë, por në futboll nuk i dihet asnjëherë. E filluam mirë dhe pastaj morëm edhe pikë tjera. Tashmë kemi një grup shumë të fortë në Francë, por kurrë mos thuaj kurrë.

Ndaj Zvicrës do të jetë si derbi, sidomos për vëllezërit Xhaka”, ka thënë De Biasi, i cili flet edhe për Shkodran Mustafin.

“Do ju sqaroj diçka. Unë kam folur me Mustafin. Para aktivizimit të tij me Gjermaninë. E pyeta atë: Dëshironi të luani më mirë për atdheun tuaj? Ai mu përgjigj: ‘Trajner, unë nuk flas as shqip. Jam kapiten i Gjermani U21. Unë do vijoj më tej për Gjermaninë. Ishte vendim i drejtë – ai u bë kampion botëror”, u shpreh De Biasi, përcjell albinfo.ch.