Ish futbollisti i bundesligës, Vata, trajner në ligën regjionale

Klubi i futbollit FC Gütersloch që bën gara në një ligë regjionale të Gjermanisë (Oberliga) ka angazhuar ish futbollistin shqiptar Fatmir Vata si trajner. Vata, tashmë 44 vjeçar, ka luajtur në kohën e tij në bundesligën gjermane dhe në Kombëtaren e Shqipërisë. Veç tjerash ai ka luajtur gjashtë vite për Arminia Bielefeld.

Kryetari i klubit, Andre Niermann shprehet i kënaqur me angazhimin e ri të shqiptarit dhe thotë se kontrata do të nënshkruhet edhe formalisht shumë shpejt.

Ai e ka njohur personalisht Vatën kur ky i fundit ka luajtur në Arminia Bielefeld dhe që atëherë është bindur për cilësitë e tij.

Fatmir Vata ka luajtur 88 ndeshje në bundesligën I dhe 133 ndeshje në bundesliga I, transmeton albinfo.ch. Në këtë të fundit ka shënuar 30 gola. Në vitin 2004 ai, si lojtar i kombëtares shqiptare qe shpallur lojtar i vitit në Shqipëri.

Në vitin 2010, si 38 vjeçar ai ka përfunduar karrierën e tij prej futbollisti profesionist.