Shfuqizimi i “Shengen-it” do t’i kushtojë BE-së 110 miliardë €

Kthimi i përhershëm i kontrollit të kufijve në Evropë mund t‘u kushtojë vendeve Shengen rreth 110 miliardë euro në dhjetët vjetët e ardhshëm, vlerëson organizata „think tank“ e qeverisë franceze

Edhe pse Marrëveshja e Shengenit është pjesë qendrore e integrimeve evropiane, qeveritë e disa vendeve të BE-së, nën presionin e votuesve evropianë janë alarmuar nga fluksi i madh i emigrantëve nga Afrika dhe Lindja e Mesme, kanë futur tashmë kontrolle të përkohshme kufitare me shtetet fqinje të Bashkimit Evropian (BE).

Një raport nga organizata franceze e institutit „Stratezhi“, e lidhur drejtpërdrejt me zyrën e Kryeministrit të Francës, është vlerësuar se heqja e përhershme e lëvizjes së lirë do t’i kushtojë Evropës 0.8 për qind të prodhimit ekonomik për një periudhë prej dhjetë vjetësh, raporton EurActiv.

Franca do të pësojë vetëm dëmtime prej një deri në dy miliardë euro në afat të shkurtër dhe 10 miliardë për një periudhë prej dhjetë vjetësh, e cila korrespondon me 0.5 për qind të prodhimit të brendshëm bruto, sipas sondazhit.

Gjysma e humbjes do të vijë nga reduktimi i vizitave turistike, 38 për qind e ndikimit të kontrollit kufitar për punëtorët ndërkufitarë dhe 12 për qind do të vijnë nga kostot shtesë të transportit të mallrave.

Nga 26 vendet e zonës Shengen, gjashtë, duke përfshirë Gjermaninë, kanë futur kontrollet e përkohshme kufitare në kushtet kur qindra-mijëra emigrantë përpiqen të arrijnë në BE.