Celina realizon ëndrrën

Bersant Celina realizoi ëndrrën duke luajtur për ekipin e parë të Manchester Cityt, por ka thënë se nuk e ka ndërmend të ndalet.

Ai për televizonin e skuadrës angleze ka folur për emocionet e ndeshjes së parë. “Është një ndjenjë mjaft e mirë, jam mjaft i lumtur që ëndrra është bërë realitet. Unë e kam bërë më të mirën dhe shihet se mundi m’u shpërblye. Jam mjaft i lumtur për rastin që m’u dha. Nuk e kam pritur që do të luaj, por, nëse më pyesni nëse kam qenë i gatshëm, mund t’ju them po.

Nuk e kam ndërmend të ndalem. Shpresoj se do të vazhdojë të luajë”, ka thënë Celina, i cili mbron ngjyrat e Përfaqësueses së Kosovës. Celina u inkuadrua në minutën e 85-të në takimin ndaj Norwich Cityt në FA Cup.