Zvicra rishqyrton shtimin e ndihmave për Libinë

Autoriteteve të Zvicrës janë duke u raportuar tri ekipe të organizatave humanitare që bëjnë vlerësimin e nevojave të refugjatëve nga Libia

Zvicra është duke rishqyrtuar rritjen e marrë në konsiderim më parë të ndihmës për refugjatët nga Libia. Çështja ishte për 500 mijë franga që Zvicra do t`ia linte në dispozicion Programit Botëror për Ushqim.

Vetëm pak ditë më parë Zvicra ishte zotuar të jipte 500 mijë franga për Kryqin e Kuq Ndërkombëtar dhe 500 mijë të tjera për Organizatën Ndërkombëtare të Migracionit (IOM). Të dyja këto shuma ishin destinuar për ndihmë refugjatëve nga Libia.

Lidhur me gjendjen në kufijtë e Egjiptit dhe të Tunizisë me Libinë, autoriteteve të Zvicrës aktualisht janë duke u raportuar tri ekipe të organizatave humanitare zvicerane. Ato duhet të bëjnë vlerësimin lidhur me nevojat e ngutshme të refugjatëve nga Libia, njofton drs.ch. 

Sipas Departamentit të punëve të Jashtme, këto nevoja mund të ndryshojnë në baza orësh.