Zvicra promovon biçikletën si mjet udhëtimi për fëmijët në Maqedoni

(Foto ilustrim)

Ambasada Zvicerane në Maqedoninë Veriore po vazhdon me një projekt të ri, atë të promovimit të biçikletave si mjet i sigurt dhe i shëndetshëm për transport.

Përmes këtij projekti, Zvicra po synon që udhëtimin me biçikleta ta bëjë edhe praktikë të fëmijëve në Maqedoninë Veriore, shkruan albinfo.ch.

“Projekti i ri synon ta promovojë biçikletën si mjet të sigurt, të shëndetshëm dhe të qëndrueshëm të transportit për fëmijët përmes rrjetit Bike School. Disa shkolla i janë bashkuar projektit që mëton përfshirjen e fëmijëve në aktivitete të shëndetshme, në mënyrë që shkollat ta mbajnë gjallë të ardhmen”, thuhet në njoftimin e Ambasadës Zvicerane.

Ata kanë njoftuar që Zvicra do të vazhdojë të mbështesë inciativat që nxisin praktikat e gjelbra në Maqedoninë Veriore.

Po ashtu, gjatë këtij viti, kjo ambasadë, në oborrin e saj ka vendosur parkingje për biçikleta./Albinfo.ch/