Zvicra ka mbi 4 milionë të punësuar

Numri i vendeve të lira të punës në Zvicër aktualisht është për 24% më i madh se një vit më parë.

Zvicra numron aktualisht 4.08 milionë të punësuar, që dmth. 1 për qind ose 39000 veta më shumë se një vit më parë, shkruan gazeta 20Minuten duke iu referuar të dhënave të publikuara nga Enti Federal i Statistikave.

Një ngritje prej 1.2 për qind është shënuar në sektorin e shërbimeve, ndërsa po ashtu ngritje numri të të punësuarve kanë shënuar edhe sektorët si shëndetësia, administrata publike dhe tregtia me shumicë. Ndërsa një rënie është shënuar në sektorin e prodhimit të makinerive.

Bilanci i publikuar ka të bëjë me kuartalin (tremujorëshin) e parafundit të vitit, ndërsa të gjithë treguesit bëjnë me dije se kjo gjendje do të vazhdojë edhe në kuartalin e fundit, është deklaruar në Entin e Sztatistikave. Veç tjerash kjo shihet nga fakti se numri i vendeve të lira të punës në Zvicër aktualisht është për 24% më i madh se një vit më parë.