Evakuim në Tenerife pas alarmit për hantavirus në anijen turistike

Passengers board a plane bound for Eindhoven, after disembarking from the hantavirus-stricken cruise ship MV Hondius at the airport in Tenerife, Canary Islands, Spain, Sunday, May 10, 2026. (AP Photo/Arturo Rodriguez)

Spanja ka nisur evakuimin e pasagjerëve nga një anije turistike e ankoruar pranë Tenerife-s, pas dyshimeve për përhapjen e hantavirusit. Autoritetet shëndetësore kanë bërë të ditur se operacioni po zhvillohet normalisht dhe se asnjë nga pasagjerët nuk ka shfaqur simptoma deri tani.

Ministrja e Shëndetësisë, Monika García, deklaroi se procesi i largimit të udhëtarëve është organizuar sipas shtetësisë dhe planeve të fluturimeve. Fillimisht po evakuohen qytetarët spanjollë, ndërsa më pas do të vazhdohet me pasagjerët nga Holanda, Gjermania, Belgjika, Greqia dhe pjesë të ekuipazhit. Më vonë gjatë ditës pritet të largohen edhe udhëtarët nga Kanadaja, Turqia, Franca, Britania e Madhe, Irlanda dhe SHBA.

Sipas Agjencisë Evropiane të Shëndetit Publik, të gjithë pasagjerët konsiderohen si kontakte me rrezik të lartë, megjithëse rreziku për popullatën e gjerë mbetet i ulët. Deri tani janë raportuar tre viktima dhe tetë raste të infektuara, ndërsa vendet përkatëse po punojnë për gjurmimin dhe izolimin e kontakteve.

Hantavirusi zakonisht transmetohet përmes kontaktit me mbetje të kontaminuara nga brejtësit dhe rrallë kalon nga njeriu te njeriu. Megjithatë, varianti i zbuluar në këtë rast dyshohet se mund të ketë mundësi më të lartë transmetimi mes njerëzve. Simptomat mund të shfaqen brenda 1 deri në 8 javësh.