Xhaka flet për sulmet në Londër

"Është me të vërtet e tmerrshme ajo që ka ndodhur. Nuk është mirë të dëgjosh lajme të tilla. Në Londër ka shumë gjëra të mira, por, kur dëgjoni këso lajme, atëherë sigurisht se brengoseni”

Ylli i Zvicrës, Granit Xhaka ka folur për ndeshjen kualifikuese për Ishujt Faroe, por edhe për sulmet e fundit terroriste në Londër, shkruan ‘Blick’.

Xhaka ka thënë se është e tmerrshme ajo që ka ndodhur. “Është me të vërtet e tmerrshme ajo që ka ndodhur. Nuk është mirë të dëgjosh lajme të tilla. Në Londër ka shumë gjëra të mira, por, kur dëgjoni këso lajme, atëherë sigurisht se brengoseni”, është shprehur Xhaka, përcjell albinfo.ch.

Njëri nga të dyshuarit ka pasur të veshë tuta të Arsenalit. “Këtë e dëgjoj për herë të parë. Kjo nuk është mirë fare që ka ndodhur. Nuk është aspak mirë që ka ndodhur”, theksoi Xhaka, duke shtuar se ngjyra e kuqe në futboll është e preferuar, pasi si Arsenali edhe Zvicra luajnë me ngjyrë të kuqe.

Futbollisti shqiptar më pas ka folur për skuadrën e Arsenalit, ku është shprehur i lumtur që Arsene Wenger ka vazhduar me londinezet.

Xhaka thekson se ndaj Ishujve Faroe duhet të jenë të vëmendshëm dhe të luajnë për fitore.