Viktima e parë për këtë vit nga gripi i derrit në Kosovë

Është shënuar viktima e parë e gripit të derrit për këtë vit në Kosovë. Mediat kosovare raportuan sot se të shtunën, në Klinikën Infektive të QKUK-së, ka ndërruar jetë një paciente që ishte e infektuar nga gripi pandemik A/ H1 N1.

Drejtori i Klinikës Infektive, Shemsedin Dreshaj ka thënë bëhet fjalë për një paciente, që ishte shtrirë në këtë klinikë më shumë se një javë, pasi ishte prekur nga gripi.

Mësohet se bëhet fjalë për një 46-vjeçare nga Prishtina, të cilës në ditën e tetë i ishte përkeqësuar gjendja nga anemia hemolitike. Ndërsa në Klinikën Infektive është i shtrirë një 75-vje¬çar nga Gjakova prej gripit të rëndomtë.

Nga fillimi i epidemisë e deri të dielën nga mostrat e marra në Klinikën Infektive janë të dokumentuar 108 të sëmurë të prekur me influencën në Kosovë.

Gjatë këtij sezoni të gripit pandemik A/H1N1, në Kosovë janë konfirmuar 92 raste me këtë virus, 16 me virusin e influencës A, ndërsa dy raste me A/ H1N1 ishin trajtuar në mjekimin intensive.

Deri më tani në Kosovë, prej shfaqjes së gripit të derrave kanë vdekur nëntë persona.