Turistët pushtojnë plazhet: Nga Britania në SHBA

Keystone (Andrew Matthews / PA via AP)

Rëniet e infeksionit me koronavirus ka bërë që të lehtësohen masat.

Shumë shtete kanë filluar me lehtësimin e masave, derisa në disa vende, turistët kanë vërshuar plazhet, shkruan albinfo.ch.

Ditë më parë u raportua se francezët ‘nuk duan t’ia dinë’ për koronavirusin dhe kanë filluar pushime, kurse kjo po ndodh edhe në vendet tjera.

Mediat britanike shpesh kanë publikuar foto e video, ku shihen qytetarët e saj duke thyer karantinën dhe rregullat e vendosura nga qeveria, në kuadër të COVID-19, madje “rebelimi” i tyre është bërë, edhe kur masat kanë qenë mjaft strikte.

Ndërsa tashmë që masat janë lehtësuar disi, britanikët janë dyndur në masë drejtë plazheve e parqeve dhe nuk janë ndaluar edhe pas gjobave apo këshillave të autoriteteve policore.

SHBA është vendi më i goditur nga Covid-19, por kjo nuk i ka penguar amerikanët që shpesh herë të shpërfillin rregullat kundër koronavirusit dhe të grumbullohen në vende publike apo të shkojnë në plazh.

Së fundmi qindra njerëz u mblodhën në Daytona, Florida për të shijuar motin e ngrohtë dhe për të festuar ardhjen e verës pavarësisht thirrjeve nga autoritetet për të respektuar rregullat e distancës sociale.

Në zonë u duk edhe policia por nuk pati bashkëpunim nga anëtarët. Në këtë përballje nuk pati edhe përplasje mes qytetarëve dhe policisë ku së paku 2 persona u plagosën pasi policia hapi zjarr për të shpërndarë turmën ndërsa 4 të tjerë u lënduan në përpjekje për t’u larguar. Sipas burimeve personat e plagosur janë jashtë rrezikut për jetën pasi kanë marrë vetëm lëndime të lehta.