Bota
Tërmeti në Haiti: Shkon në 724 numri i viktimave
Haiti u godit nga një tërmet prej 7.2 shkallësh
Agjencia për Mbrojtje Civile në Haiti tha se numri i viktimave nga tërmeti i fuqishëm ka arritur në 724 dhe të paktën 2.800 persona të tjerë janë lënduar.
Haiti u godit nga një tërmet prej 7.2 shkallësh. Agjencia tha se shumica e viktimave ishin nga pjesa jugore e vendit dhe se ekipet e shpëtimit kanë arritur që të nxjerrin shumë njerëz të gjallë nga rrënojat e shtëpive, hoteleve, kishave, që u dëmtuan nga tërmeti i fuqishëm.
Dëme të mëdha janë raportuar në qytetin Jeremie, shtëpi e 200.000 banorëve. Dëme po ashtu ka edhe në qytetin Les Cayes ku janë shembur shumë ndërtesa përfshirë edhe një hotel shumëkatësh.
Kryeministri Ariel Henry ka shpallur një muaj gjendje të jashtëzakonshme, Raporton Evropa e Lirë, përcjell albinfo.ch.
Kryqi i Kuq Ndërkombëtar dhe spitalet në zonat e paprekura nga tërmeti po ndihmojnë të plagosurit, tha kryeministri Henry. “Ne duhet të kujdesemi për të lënduarit, por gjithashtu duhet të sigurojmë ushqim, ndihmë, strehim të përkohshëm dhe mbështetje psikike” për qytetarët, tha kryeministri.
Epiqendra e tërmetit ishte rreth 125 kilometra në perëndim të kryeqytetit, Port-au-Prince. Tërmeti ndodhi në orën 8:30 sipas kohës lokale dhe thellësia e tij ishte 10 kilometra. Sipas Shërbimit Gjeologjik të Shteteve të Bashkuara, ka pasur edhe lëkundje pasuese të tokës, ku një prej tërmeteve pasuese ishte 5.2 shkallë. Para 11 vjetësh, Haiti u godit nga një tërmet prej 7 shkallësh, ku u vranë mbi 200.000 persona.
E-Diaspora
-
Kush është gruaja që ju flet shqip kur fluturoni me CHAIR? Nga prezantuese në radio, në këngëtare e moderatore e disa emisioneve të njohura, ajo njihet si njëri...
-
Kurti: Diaspora, urë lidhëse për investime direkte
-
Gjestila Mehmetaj, një model frymëzimi për rininë shqiptare në mërgim
-
Kanë mbetur vetëm edhe dy ditë për t’u regjistruar diaspora
-
Merakli t’kerreve: U ndihmojmë mërgimtarëve veçmas në kufij
Jeta në Austri
-
Si po e bën Austria më të lehtë imigrimin e punonjësve të huaj shëndetësorë? Plakja e popullsisë së Austrisë dhe mungesa e punonjësve të kujdesit shëndetësor janë ndër sfidat kryesore...
-
A mund të blejnë të huajt prona në Austri?
-
A mund të marr nënshtetësinë austriake dhe të lëviz menjëherë jashtë vendit?
-
Kandidatja austriake për eurodeputete viziton Zubin Potokun
-
Kandidati për eurodeputet, Lukas Mandl vizitoi meshën shqipe në Vjenë