Super Liga e Zvicrës: Performancë mesatare e futbollistëve shqiptarë

Ardian Nikçi shënoi gol ndërsa Admir Mehmedi asistoi në golin e dytë, të cilin e shënoi Alfonso

Në derbin e javës së 28 të Super ligës Zvicerane në futboll, ku u takuan i katërti në renditje, FC Sioni dhe i dyti, FC Zurichu, fitorja i takoi mysafirëve me rezultat 0 :2. Ndeshja u luajt në praninë e 11 mijë shikuesve.

Në këtë ndeshje shkëlqyen dy futbollistët shqiptarë në radhët e FC Zurich-ut. Ardian Nikçi u aktivizua nga minuta e 77 dhe vetëm pas katër minutave lojë arriti të shënojë golin e parë në ndeshje. Ndërsa lojtari tjetër Admir Mehmedi asistoi në golin e dytë　të cilin e shënoi Alfonso në minutën e 85.

Mehmedi u ndëshkua me karton të verdhë në minutën e 88 të ndeshjes. Me këtë fitore Zurichu arriti të ngushtojë përparësinë në vetëm tri pikë të FC Baselit në renditje i cili në këtë gjiro luajti baras si vendës.

Në ndeshjen në mes të të parit, FC Basel dhe të parafundit FC Grasshopper, lideri nuk arriti më shumë se një barazim 2 : 2. Në ndeshjen të cilën e përcollën mbi 30 mijë shikues, për FC Baselin u aktivizua vetëm Granit Xhaka nga minuta e 81. Për mysafirët u dallua Amir Abrashi, i cili luajti tërë ndeshjen dhe njëherësh asistoi në golin e dytë të mysafirëve në min. 13.

Në ndeshjen FC Neuchatel–FC Luzern 2 : 1, në radhët e Luzernit tërë ndeshjen luajti Burim Kukeli, kurse Hekuran Kryeziu ishte rezervë.

Milaim Rama u rikthye në terren, pas lëndimit. Ai u aktivizua nga minuta e 79 por nuk arriti të ndryshonte rezultatin përfundimtar 0　: 0 në mes të FC. Thun dhe FC St Gallen. Për vendësit, në tërë ndeshjen luajti edhe Muhamed Demiri. Për mysafirët nuk u ftua për shkak të lëndimit Kristian Nushi.

Në ndeshjen FC Yong Bois- FC Bellinzona 4 : 0, nuk u aktivizua asnjë lojtar shqiptar.