Kosova
Si po shkon testimi për COVID-19 në Kosovë?

Fatos Vokshi, qytetar nga Prishtina, të hënën, për më shumë se dy orë ka qëndruar në Klinikën Infektive të Qendrës Klinike Universitare të Kosovës për të dëshmuar se ka simptoma të koronavirusit, në mënyrë që të testohet. Por, kjo gjë iu pamundësua, pasi personeli mjekësor nuk e testoi atë.
Sipas Vokshit, pacientët që duhet ta bëjnë testin për COVID-19, sëmundjen që e shkakton koronavirusi, caktohen në mënyrë përzgjedhëse.
“Sot kam qenë dëshmitar. Do të thotë, shumë keq është nëse vjen puna të trajtohesh nga klinikat. Kjo është eksperienca ime e sotme, unë prita dy orë dhe nuk kreva punë, e i shikova pacientët e tjerë që me të njohshëm, do të thotë në mënyrë selektive, pranoheshin dhe i bënin testet”, tha Vokshi.
Pasi në Klinikën Infektive të Qendrës Klinike Universitare nuk i është mundësuar marrja e mostrave për testim me metodën PCR, Vokshi i është drejtuar Qendrës kryesore të Mjekësisë Familjare, për ta bërë testin serologjik për koronavirus.
Testi virologjik, me metodën PCR, përcakton nëse virusi është aktiv, kurse testi serologjik tregon nëse personi ka qenë i infektuar me koronavirus.
Edhe një qytetare tjetër nga Prishtina, e cila priste në radhë pranë Qendrës kryesore të Mjekësisë Familjare, për të caktuar termin për ta bërë testin serologjik, tha se është e pakuptimtë se si mekanizmat përkatës nuk po veprojnë në mënyrën e duhur karshi personave që kanë simptoma të koronavirusit të ri.
“Ka gati një javë që jam me simptoma. Simptomat janë 100 për qind që është COVID-19, të paktën në bazë të asaj çka unë kam lexuar, dhe nuk po më duket normale të shkoj në një rreth ku ndoshta unë dyshoj se e kam (virusin) dhe ta infektoj dikë tjetër, duke u nisur nga vendi i punës, qytetarët, personat e familjes më në moshë”, tha kjo qytetare, e cila nuk deshi që të prezantohet.
Ministri i Shëndetësisë, Armend Zemaj, tha për Radion Evropa e Lirë se sa u takon testimeve për COVID-19, Instituti Kombëtar i Shëndetësisë Publike të Kosovës aktualisht është duke e bërë maksimumin e mundshëm.
“Ky është maksimumi që mund të bëjë IKSHPK-ja, në bazë të rregullave të protokolleve që janë të përcaktuar edhe nga Organizata Botërore e Shëndetësisë. Faktikisht, numri i testeve është sipas nevojës dhe rekomandimeve të profesionistëve shëndetësorë. Është fakt tjetër që qytetarët kanë edhe kërkesa të tjera, kanë edhe shqetësime dhe kanë nevojë për testime”, tha Zemaj.
Momentalisht në IKSHPK bëhen prej 400 deri në 500 testime në ditë.
Ministria e Shëndetësisë, deri tani, nuk ka licencuar asnjë institucion tjetër shëndetësor për kryerjen e testeve për koronavirus.
Zemaj tha se kjo çështje është ende në proces dhe se bordi i themeluar është duke u marrë me të.
Nga Ministria e Shëndetësisë bëjnë të ditur për Radion Evropa e Lirë se 80 institucione private shëndetësore kanë aplikuar për t’u licencuar, që të kryejnë teste për koronavirus, kryesisht serologjike, ndërsa, nga java tjetër, pritet të nisë shqyrtimi i këtyre aplikacioneve./REL
E-Diaspora
-
I kërkuar nga drejtësia italiane, shqiptari arrestohet në një autobus turistik në Gjermani Sipas mediave të huaja, gjatë kontrollit, policia zbuloi se shqiptari ishte në kërkim nga autoritetet italiane. ...
-
Magjia e ngjyrave të shkrira në pikturat e saj ekspozohet në „Armaturen Flamatt“
-
Diamant Hysenaj ka shpallur kandidaturën për Kongresin Amerikan
-
Inxhinierja shqiptare diplomon në MIT, një tjetër histori suksesi nga Amerika
-
Përjetime të paharrueshme të nxënësve shqiptarë nga Zvicra në atdhe
Jeta në Austri
-
Austri: Këshilli Kombëtar prezanton klasa orientimi për fëmijët migrantë Këshilli Kombëtar i Austrisë ka miratuar futjen e klasave orientuese për fëmijët emigrantë të sapoardhur. Projektligji...
-
Fuqia punëtore e Austrisë do të tkurret për 24% deri në vitin 2060
-
Për herë të parë, fluturime direkte Prishtinë–Salzburg–Prishtinë
-
Udhëtim rekord me tren në Austri: Rreth 350 milionë pasagjerë në vitin 2024
-
Austri: Nga viti 2026, mbrojtje më e fortë për punonjësit ndaj të nxehtit ekstrem