Shtatzënë 9-muajshe, vrapon në maratonën e Chicago-s

Emri i saj është Amber Miller, ajo është 27 vjeçe dhe të dielën ajo vrapoi 6 orë e 25 minuta saktësisht, në një maratonë me një distancë prej 42 km. Veçantia e kësaj maratone qëndron në faktin se Amber ishte nëntëmuajshe shtatzënë dhe nuk donte të humbasë kurrsesi maratonën e Chicago-s.

E regjistruar para se të marrë vesh se ishte shtatzënë, Ambër mendonte se do të mund të marrë pjesë në këtë garë, pasi që kishte bindjen se do të lindte më herët.

“Unë isha shtatzënë, por pasi që kisha paguar për të vrapuar, doja të marr pjesë në këtë garë”, shpjegon Ambër për “Daily Herald”. Duhet ditur se Ambër ka vrapuar me pëlqimin e mjekut të saj, i cili nuk e kishte kundërshtuar, prandaj edhe i kishte lëshuar lejen.